من سنده تاپميشام عشقي ، ووقاري
سنين اولاجاغام اؤلنه قدر
اي قيش خيصلتينين سئوگي باهاري
سنين اؤلاجاغام اؤلنه قدر
مهلت ور چايلاري هؤروم دنيزه
چايلار كؤرپو اولسون،يول اولسون بيزه
ايكي حسرت سئوگي دورسون اوز-اوزه
سنين اؤلاجاغام اؤلنه قدر
آپار اؤلمزلييه مني اؤزونله
اولدوزلار آت چاپسين بيزه بيزيمله
گؤروم گله جه يي سنين گؤزونله
سنين اولاجاغام اؤلنه قدر...
من سنين يولونو گؤزله‌يه‌جم
اللرين اليمه توخونمايينجا
تئللرين تئليمه قاريشمايينجا
سئوگيليم بوينوما ساريلمايينجا
من سنين يولونو گؤزله‌يه‌جم
هارايا گئديرم گؤزلريمده‌سن
دؤيونن قلبيمده سؤزلريمده‌سن
من ايللر ايله گؤزلتسن ده سن
من سنين يولونو گؤزله‌يه‌جم
عشقيم سني ياددان چيخارتمارام